Maruti Suzuki Victoris Mizoramah tlangzarh a ni ta

Maruti Suzuki kutchhuak Victoris chu nimin khan Edenthar Venga Maruti Suzuki Arena Showroom-ah DEO Lalrawngbawla'n a tlangzarh a; Mizoramah chuan on road price Rs. 12,28,782 - Rs. 23,05,105 a ni dawn.

Victoris variant hrang hrangah hian a chhung kualin airbag paruk a awm a; emergency alert, breakdown notification, stolen vehicle notification & tracking, tow-away & tracking, geo-fence, time fence, valet alert leh emercency calling-te hmanga thuam niin, ZXI leh ZXI+ variant bikahte radar hmanga lirthei vengtu Level 2 ADAS dah a ni.

GIG Motors CEO John Lalpeka chuan, Aizawl khawpuiah service station pahnih - Ṭhuampuiah leh Edentharah an neih thu sawiin, sorkar kum thar lamah Chawlhhmun, MZU road-ah service station dang hawn belh an tum thu a sawi. Lungleiah sales outlet an nei a, kumin hian Champhai leh Kolasib-ah sales outlet hi hawn belh an tum bawk.

Maruti Suzuki Victoris
• 5 star Bharat NCAP & Global NCAP ratings
• Variant - 18
• Ground clearance - mm 210
• Tanky - litre 45
• Engine - 1,462 cc
• Max power - kw 75.8 (103.06 Ps) @ 6,000 rpm
• Tyre - 215/60 R17
• Mileage
- Petrol MT 21.18km/l,
- Petrol AT 21.03km/l
- Petrol (4WD) 19.07km/l
- Petrol (Ecvt):28.65km/l