Taekwondo Fight League Dance Competition 2016 awm dawn

November 21 aṭanga December 8 chhunga Taekwondo Fight League Season 1 buatsaih turah Halftime Dance Competition neih a ni dawn. He Competition-a tel tur hian video audition hmangin Crew paruk thlan chhuah an ni tawh. Heng crew te hi League neih chhung hian zan tin crew pakhat
ṭheuh zel an l‚m dawn a, a tawpah finalists te thlan an ni ang a, a ṭha ber pahnih aṭangin Winner thlan a ang a, pakhatna hian Rs. 10,000 an dawng ang.

Crew paruk tel tura thlan chhuah te chu Blue Orb, Jumpin Dolls, Climax Fabulous, G.O.V, Guardians leh Thug For Life te an ni. Heng crew te hi dance competition hrang hrang leh kum tawpa buatsaih
ṭhin Dance 4 Donation aṭanga hming lo chher tawh te an ni hlawm. TFL Dance Competition 2016 Judge tur te chu, Alan Rinawma, Mizo Dance Camp Creative Director leh MSL Dance Battle Judge; Dominic Khiang≠te, Tribal Beatz Crew member leh taekwondo lamah pawh sulhnu ngah tak bakah Angela Khuma, MSL Season 1-a Nerds of War an chak ṭuma an crew leader te kha an ni.

Taekwondo Fight League hi Mizorama neih vawi khatna tur a ni a, Zonet Cable TV-ah live ṭhin a ni ang. A hmun≠ah hian lei theih a ni a, Thawhṭanni zan dar 7:30 hian ṭan a ni ang.