Electric Veng Branch KṬP an thleng sang

Hontrade International Ṭhazual Fakna thar tihchhuah a ni a, Electric Veng Branch KṬP Matthaia Group te an rawn invawrh sang a, pakhatna an rawn kai ta.

Chart tihchhuah thar berah hian a hmaa pahnihna luahtu Electric Veng Branch KṬP Matthaia Group te music video siam, ëKa ring zel ang cheí tih chu pakhatnaah a rawn lawn kai ta. He music video hi a
ṭha a, an zaithiam a, a hla pawh a nalh viau; pakhatna a luah pawh hi a mak lo e.

He music video hi September 29-a chart tihchhuahah khan a rawn lang ṭan a, pasarihnaah bul a rawn ṭan. October 10-a chart tihchhuahah khan pasarihnaah bawk a la awm a, October 24 kha chuan palina a rawn thleng thei tawh. Chumi hnuah pahnihna a rawn ni a, pakhatnaah a rawn kai leh ta a ni. Chart-a a vawi nga lannaah pakhatna a luah thei.

Andrew Laltlankima hla Nunna Thar chu a zawna pakhatnaa vawi hnih a lan hnuah pahnihnaah a tawlh thla ta thung. Chutihlai chuan palina aṭangin Thelma hla ëIsu i hnena awm ka duhí chu pathumnaah hma a rawn sawn a, parukna aṭangin Vanlalpari chu palinaah a rawn lang. Stacy VL Muanpuii hla ëHnehna hla mawií chu pakhatna a luah hnuah a hnuai lam a la pan zel a, pathumna
aṭangin panganaah a tla thla ta.

Top 10 aṭangin PBK Liankhum≠a hla ëKa chung ram mawiahí chu top 10 aṭangin a chhuak ta a, One in Christ chu pangana aṭangin an chhuak bawk. To 10-ah hian Bethsy Lalrinsangi hla ëMifelte chauh thlang lovaí tih chu pariatnaah a rawn lang thar a, Sawmtea Krismas hla ëImmanuelaí tih chu 10-naah a rawn lang thar bawk.

Hontrade International Ṭhazual Fakna 10

1 Electric Veng Branch KṬP (Matthaia Grp) - Ka ring zel ang che

2 Andrew Laltlankima

- Nunna Thar

3 Thelma - Isu i hnena awm ka duh

4 Vanlalpari

- Hei hi khawngaihna mak

5 Stacy VL Muanpuii

- Hnehna Hla mawi

6 Lalremsiami - Ka vui lo Lalpa

7 Ark of Melody - Ka damna i ni

8 Bethsy Lalrinsangi

- Mifelte chauh thlang lova

9 Lalhlumawii

- Ka dai ngai loh ram nuam

10 Sawmtea - Immanuela