Mizoramah Super Fight League Contender Fight nghah a ni dawn

Kum 2017 kumtir aṭang hian India rama MMA League lian ber Super Fight League chuan season a ṭan leh dawn. SFL season thar≠ah hian team pariat an awm dawn . February thla thleng kar tin khelh a ni ang.

SFL hian professional chauh ni lo, amateur fighter-te chher a pawimawhzia a hriat avangin India ram khawpui pa≠riatah SFL Contender Fight a huaihawt dawn a, Aizawlah pawh SFL hian December 6, 2016 hian Contender Fight a rawn buatsaih dawn. Mizorama he infiamnain ngaihhlut a hlawhzia an hriatin East India State zingah Mizoram chu SFL Contender Fight neihna atan an rawn ruat ta a ni.

SFL Contender Fight aṭang hian nakkum season thara inlan tur fighter 16 thlan chhuah a ni dawn. Sony ESPN-in fight zawng zawng hi a cover dawn bawk a ni.

SFL Contender hi AIMMAA sanction a ni a, Mizoramah MISMA-in a lo huaihawt dawn a ni. JSJ Fitpro chu partner an ni dawn a, Zonet Cable TV Pvt.Ltd in a cover dawn bawk. He event hi nakkum JSJ Fight League season thar awm tur atana fighter thlanna a ni nghal bawk dawn a ni.

December ni 5 zing dar 7:00-ah JSJ Fitpro Gym, Khatlaah weight lak tur a ni a, hemi ni vek tlai dar 6:00-ah weight lak leh a ni ang. Mizoram mai ni lo, East India State hrang hrang aṭangin fighter an rawn kal nual dawn bawk. Contender Fight-a tel turte chuan Entry Form Rs. 10-in an la chhuak ang a, RTZ Sports (Khatla), NetSurf (Chanmari), R.K Digital Printing (Dawrpui Vengthar), JSJ Fit Pro Gym (Khatla kawn) leh Bajaj World (Vaivakawn) ah entry form lak tur a awm reng e.

MMA lama tawnhriat la nei lo tan MISMA chuan training a huaihawt hmasa dawn bawk a ni. Fighter tel turte tan Regis≠tration tih tur a ni dawn a, entry form thehluh rualin registration fee Rs. 300 pek tur a ni.