Fantastic Beast miin an hmu duh

Ramsa mak tak chanchin hi a hma aṭang≠in miin an ngaihven a, a rawn chhuak a, an hmu duh ngei mai. Doctor Strange chu a rawn nek chhuak a, North America-ah Fantastic Beast and Where to Find Them chu pakhatnaah a rawn awm.

JK Rowling ziak tho behchhana siam, Fantastic Beast and Where to Find Them hian kar tawp chhung khan USD mtd 75 zet a lalut. He film hi Harry Potter spin off film a ni. Spin Off tih a nih chuan, media huang chhung bikah a hmaa thil lo awm tawh a, a eng emaw lai bik chiang lehzual chhui zuina a ni ber. Fantastic Beast pawh hi Harry Potter film inṭan hma thil anga tarlan a ni a, Harry Potter-a rawn lan hma kum 70 liam ta a, New York-a dawi lam thil chungchang a ni ber.

Rawn hlawhtling viau mah se JK Rowling lehkhabu ziak dang ëHarry Potterí ho erawh a tluk lo hle. Harry Potter ang Ím chuan miin lawm lo mah se, a hlawhtling thaw khat viau tho mai. US pawn
aṭanga a sum hmuhte nen chuan kar tawp chhung khan he film hian USD mtd 143.3 lai a lalut thei.

Doctor Strange chu pahnihnaah a chhuk a, kar tawp chhung khan USD mtd 17.7 lai chu a lalut tho.

Box office top 10

“Fantastic Beasts and Where to Find Them” - $mtd 75

“Doctor Strange” - $mtd 17.7

“Trolls” - $mtd 17.5

“Arrivals” - $mtd 11.8

“Almost Christmas” - $mtd 7

“Hacksaw Ridge” - $mtd 6.8

“The Edge of Seventeen” - $mtd 4.9

“Bleed for This” - $mtd 2.4

“The Accountant” - $mtd 2.1

“Shut In” - $mtd 1.6