T-Melody An album thar a rawn thleng ṭep

Mizo band hlawhtling leh lar T-Melody chuan November 18 khan Tahan, Myanmar-ah album thar ëPhek 35-naí chu an tichhuak. Mizoram a rawn thleng thla ṭep tawh a, Mizoramah hian he album hi Studentsí Self-Support Union chuan an zuar ang.

T-Melody hian an album thar hi Aizawla tlangzarh tumin hma an la a, amaherawhchu a remchan zawk tak avang≠in Tahan-ah, Vulmawi band-in kum 40 an tlin lawmnaah an tlangzarh ta zawk a ni.

ëPhek 35-naí album-ah hian hla 12 a awm a, heng zinga hla parukte hi T-Melody frontman, Lalnunsanga phuah a ni. He album-a hla hit chu Laldana phuah, Lalnunsanga sak ëDi hluií tih kha a ni a, audio version a put ru a, kha chauh pawh khan Zoram rimawi khawvel chu a fanin a chiah hneh hle a nih kha, chuvang chuan hla dang pawh ngaihthlak a chakawm tawh hle.

He album-a hla awm turte hi Mizo hla ṭha, chuai thei lote a ni a, hla dangte pawh hi ngaih≠thlak chakawm tak an ni tawh. PS Chawngthu phuah ëChhingkhual Lenmawiií hla hi Mizo lengzem huang chhung≠ah chuan chuai thei lo hiala mawi a ni. Dar-
ṭhuama hla phuah, mi tam takin a hla phuah zing≠a nalh an tih ber zinga mi, 90s chhoa lar em em
ṭhin ëPhu loh lÍngí tih hla te, Thanzauva Zodi hla ëChingal leh saumí, a hunlaia lar em em kha, Tawnenga, Vulmawi phuah ëZo mawi Rihlipuií, Buta, Vulmawia hla ëChhingkhual Dií te hi hla awm tur zinga ngaihthlak chakawm lehzualte an ni.

Music video pawh an siam uluk hle a, Aizawl mai bakah Myanmar hmun hrang hrang - Tahan, Khampat, Rihdil, Pinkhung, Thruma leh Kalaymyo Engineering College-ah te an shot a ni. Recording hi Rangoon-a Metal John Studio-a tih vek a ni. Album-a hla awm te hi genre hrang hrang ni mah se Rock Version veka kalpui a nih avangin a special hlawm hle. T-Melody hla te hi music combination a ṭha a, a music a muk ṭha hle bawk.

ëPhek 35-naí hi Mizoramah Studentsí Self-Support Union ten a zawrh lam an buaipui ang a, anni hnen aṭanga mimal leh pawl anga zuar chhawng duh tan Studentsí Self-Support Union (SSU) Office, near Directorate of Commerce & Industries, below Hungree Restaurant, Khatla, Ph. No. 0389-2323660 ah ngaihven theih a ni. A man hi Rs. 150 tur a ni a, November thla chhunga SSU Office-a direct-a lei te tan Discount Price Rs. 130-in lei theih a ni dawn a ni.