Coldplay album kum thar lamah

Mumbai-ah an che ropui a, AR Rahman nen Vande Mataram an sak ringawt pawh social media-ah a darh nasa. Coldplay hian Mumbai-a an chet zawh hnu lawkin album thar tihchhuah an tum tih an puang. Coldplay album thar tur hi nakkuma tihchhuah tur a ni a, a hming tur hi Kaleidoscope tih a ni ang.

Inrinnia Mumbai-a Coldplay che vel kha kan la hria ang. Mumbai mipui an hlim a, an lawm a, Twitter-a Chris Martin tihah lawmthu an sawi a, mahse an lawmthu sawina hmun hi hmun dik lo a ni thung! Chris Martin tih Twitter-a inziak an hmuh khan Mumbai mipui chuan an follow nghal chur chur a, Mumbai-a a concert avanga an lawmzia ha hipin an sawi nghal. Mahse he Twitter account hi Coldplay frontman Chris Martin a ni lo a, British comedian zawk a lo ni. Coldplay frontman Chris Martin hian Twitter account mimalin a nei lo hrim hrim.