Stephen Hawking-a’n chhiatrupna a thlen a ring

Khawvel sik leh sa inlumleh dan mumal awm ta lo lutuk avang te, kan chÍnna khawvel kan tihchhiat zel avang≠tein Stephen Hawking chuan leilungah hian chhiatna nasa tak a thlen a ring.

Khawvel hmar tawp ringawt pawh a nih tur ang aia degree celsius 2 ngawta a lum tawh zawk avang te, khawvela carbon a tam tial tial tak avangtein leilung dinhmun hi a chiang lo hle tawh a, scientist ropui Stephen Haw≠king chuan tun kum 1000 lo awm tur chhung emaw, chu aia hnung deuhah pawh mihringte mang ṭhak theihna tur khawpa leilung chhiatna a thlen a rin thu a sawi.

Hawking chuan mihringten thiamna leh finna kan neihte chu keimahni leh he khawvela chhiatna a thlen lohna tura venghimtu hmanruaa kan hman a ngai a ni a ti. Hawking hian siamchawp finna, robot leh hetiang lam chi te, nuclear ralthuam siamte hi kan bansan a, hetiang kawnga hma kan sawn lohna tura kan beih a ngai a ni a ti a, hengte hi khawvel chhiatna thlen thulhah mihringte dinhmun tihlauhawm zualtu leh mihring te boral lohna tur niin a ngai. Hetiang kawnga hmasawnna hi khuahkhirh emaw a nih loh chuan he khawvela nunna hian nasa takin a tuar ang a ti. Tunah hian ram tam tak chuan robot, mihring ang maia ral do thei tur siam kawngah hma an la mek a ni.

Khawvel hian chhiatna tawk mah se, chutiang hun a lo thlen chuan van boruak lamah te kan inzarpharh a ngai ang a, mihringte hi kan boral vek mai loh nan hmun kan zawn a la ngai ang a ti. Leilung hian chhiat lam pan zelin, kan sik leh saten mumal nei lo sawt viau mah se, Hawking chuan kum 50 kalta chhunga kan rilru sukthlek danglam ta chu lawm≠awm a ti hle. Kan leilung leh chhevel humhalh kawngah ṭan kan la nasa ta chu lawmawm a ti a, ìHemi kawngah hian eng emaw tal ka tih ve theih phei chuan ka lawm leh zual ang,î a ti.