Billboard-ah hip-hop

Billboard 200 chart-ah chuan hip-hop group, A Tribe Called Quest album thar ëWe Got It From Here... Thank You 4 Your Serviceí chu pakhatnaah a awm a, kum 20 chhunga he group ten Billboard 200-a pakhatna an luah ṭum khatna a ni.

A Tribe Called Quest album ëWe Got It From Here... Thank You 4 Your Serviceí hi an studio album parukna a ni a, kar liam ta chhung khan copy 135,000 zet mai an hralh. Heng zinga copy 112,000 album pangngai a ni.

ATCQ hian kum 1996 khan Billboard 200-a pakhatna luah thei album an lo nei tawh a, an album ëBeats, Rhymes and Lifeí chu pakhatnaah a lo awm tawh a, kum 20 a kal leh meuh chuan pakhatna ni thei dang album an rawn nei ve leh ta, 1996 hnu, kum 1998 khan album an tichhuak a, a hmaa mi a tluk pha lo. Chumi hnuah chuan album an tichhuak lo vang vang a, hman kar khan an tichhuak ve leh chauh a ni.