'One Punch Man' Season 3 tun thlaah chhuak dawn

Hun rei tak chhung tihchhuah zawm tak loh, manga leh anime hit superhero satire 'One-Punch Man' season 3 chu October 12 hian khawvel pumah en theiha tlangzarh a ni dawn. 'One-Punch Man' season hnuhnung ber kha kum ruk liam taa tihchhuah tawh a ni a, kum tam liam hnuah fan tam tak nghahhlelh leh beisei chu tihhlawhtlinin a awm dawn ta a ni.

Season thar hi streaming platform hrang hrang aṭangin pek chhuah a ni dawn a, India-ah pawh October 12 vek hian 'Sony YAY' aṭangin pek chhuah a ni nghal dawn a, dubbing hi Hindi, Tamil, leh Telugu-in a awm bakah original Japanese dub pawhin en theih a ni bawk ang. Sony bakah hian Crunchyroll aṭanga en theih beisei a ni. Season tharah hian episode 12 awm tura beisei a ni bawk.

One-Punch Man Manga hi Yusuke Murata siam niin, manga hi khawvel pumah copy maktaduai 35 hralh chhuah a ni a, series hi Shueisha webcomic site, Tonari No Young Jump-in an siam thung. Saitama leh Genos hi aw thawhtu ngai Makoto Furukawa leh Kaito Ishikawa-te bawk an ni leh dawn a ni. Season thar en theih hma chu Saitama workout routine nitin 100 push-up, 100 sit-up, 100 squat leh 10 km tlante lo ti leh phawt mai ang aw!