2026 Esport World Cup title 20 awm tur puang

Multi-title esport in elna lian, 'Esport World Cup' 2026 edition-a inelna awm tur title hrang hrang 20 chu Nilaini khan puan a ni a, EWC-ah hian title 24-ah inelna buatsaih ṭhin a ni.

Nakkum a inelna awm tur hi EWC event vawi thum buatsaihna tur niin, Saudi Arabia sorkar thlawpna hmanga Esport World Cup Foundation te'n an buatsaih a ni. Title awm tur 20 puan hi kumin event-a inelna buatsaih tawhte an ni hlawm a, puan tawh zingah hian games ngaihhlut hlawk tak tak CS2, Dota 2, League of Legend, Valorant, Chess, leh EA Sports FC 26, bakah mobil games thawm nei lian Mobile Legend: BANG BANG-te an tel leh dawn. Game dang pali la puan loh a la awm bawk.

EWC hi kum 2024 aṭang khan kalpui ṭan niin Gamers8 tournament kalpui ṭhin thlakna tura buatsaih a ni a, ngaihhlut a hlawh hle bawk.