Taylor Swift-i'n Adele record khum

American singer leh song-writer Taylor Swift chuan a album thar, 'The Life of a Showgirl' hmangin soul singer Adele-i'n kar khat chhunga album hralh tam ber record a siam chu a khum. Swift hian ni nga chhungin equivalent album unit mtd 3.5 a hralh tling nghal a, kar khat a tlin meuh chuan a khumna hi a san hman viau a rinawm.

Adele album '25' hi kum 2015-a tihchhuah khan kar khat chhungin equivalent album unnit 3.482 a hralh tling a, Swift album thar rawn lan hma kum 10 chhung chu record holder a lo ni hman a ni. Showgirl album hi pre-sale eng emaw zat a awm avangin hralh zat hi a la pung ngei dawn a, hei bakah variant hrang hranga tihchhuah a nih avang hian record thar pawh a siam chhunzawm ngei dawn niin a lang . 'Showgirl' hmangin Swift hian chart leh poll hrang hrangah No.1 a luahlum mek bawk.