COD Mobile Championship Final 2025 team hriat ta

Video games hrang hrang enkawltu leh neitu, Activision chuan an hnuaia games zinga ngaihhlut hlawh Call of Duty Mobil Championship Final 2025 team tur chu Ningani khan an puang. COD Mobile Championship Final-ah hian team 16 an awm dawn a, November 7 - 9 chhung hian Katowice, Poland-ah khelh a ni ang. Prize money hi USD 850,000 a tling pha a ni.

Rulebook an kalpui danah group-te hi regional performance leh 2024 result aṭanga teh an ni a, hei bakah group-te hi Eastern leh Western team inpawlh aṭanga thlan an ni bawk. Group zawng zawngte hi GSL-style-in an intum anga, top two team-te hi play-off-ah an tlang dawn a ni. Play-off hi double-elimination bracket a kalpui tur niin match zawng zawng hi best-of-five a kalpui tur a ni ang a, Grand final erawh best-of-seven a ni dawn thung.