Lil Nas X-a'n record siam leh
'Old Town Road' hitmaker Lil Nas X chu rapper midum, anpui kawp zingah, Forbes magazine-in "2019 Highest-Paid Country Stars" 20 a thlan chhuah zinga lang thei hmasa ber a ni.
Nas X hian kumin chhung hian $maktaduai 14 a lalut a ni. American country singer Luke Bryan chuan pakhatna dinhmun a hauh a, $mtd 42.5 a lalut tling bawk. Hei hi India pawisa chuan cheng vaibelchhe 300 chuang a ni.
Shania Twain pawhin upat lamah pasarihna dinhmun a la hauh thei a, kumin chhung hian $mtd 29 a lalut thei bawk. Shania aia upa zawk , nakkuma January-a kum 74 ni tawh mai tur 'Coat of Many Colors' singer Dolly Parton pawh 15-na niin, $mtd 17 a lalut thei a ni. Forbes 2019 Highest-Paid Country Stars 20 thlan chhuah zingah hian 20-naah pahnih an awm bawk.
Record siam bansan hlei thei lo, kum 20 leka upa Nas X hla nikum December thlaa a tihchhuah, 'Old Town Road' chu Billboard Hot 100 Chart-ah kar 19 chhung zet pakhatna niin, pakhatna ni rei ber record a lo siam tawh bawk a ni.
Forbes' list of Highest-Paid Country Stars
1) Luke Bryan - $mtd 42.5
2) Zac Brown Band - $mtd 38.5
3) Keith Urban - $mtd 35
4) Blake Shelton - $mtd 32
5) Kenny Chesney - $mtd 31
6) Eric Church - $mtd 30
7) Shania Twain - $mtd 29
8) Florida Georgia Line - $mtd 26
9) Garth Brooks - $mtd 24
10) Jason Aldean - $mtd 23.5
11) Toby Keith - $mtd 21
12) Dierks Bentley - $mtd 20
13) Tim McGraw - $mtd 18
14) George Strait - $mtd 17.5
15) Dolly Parton - $mtd 17
16) Carrie Underwood - $mtd 16
17) Faith Hill - $mtd 15
18) Lil Nas X - $mtd 14
19) Rascal Flatts - $mtd 13.5
20) Miranda Lambert - $mtd 13
Lady Antebellum - $mtd 13