No Doubt-in Las Vegas Residency nei dawn

American rock band kum 1986-a din, No Doubt chuan kum kal taa Coachella-a an perform hnuah reunion tour an nei dawn tih an puang. Kum 2026 hian Las Vegas-ah show vawi ruk an nei dawn a ni.

Group member Gwen Stefani, Tony Kanal, Tom Dumont leh Adrian Young-te chuan nakkum May 6,8,9,13,15 leh 16-ah show hi an nei dawn tih an sawi. An band hi kum 2024 Coachella-ah khan kum 15 hnuah ropui takin an lo perform tawh a ni. Kumin January thla pawh khan FireAid benefit concert, Los Angeles-a Kia Forum-a neihah an lo perform tawh bawk a ni. Band member Young chuan hun rei tak chhung anmahni lo ngaisang a lo thlawptute tana an perform leh tur chu an phur tawh thu a sawi.