D'Angelo-a'n uitu ngah

R&B community leh music industry-a mi langsar tak takte chuan Thawhlehni zinga cancer vanga thi ta, neo-soul legend Michael Eugene Archer, D'Angelo tiha hriat lar (51) an ui thu an sawi. DJ Premier chu social media-a a ui thu puangzar hmasa ber pawl zingah a tel a, ani bakah Lauryn Hill, Doja Cat, Missy Elliot, Beyonce-te chu D'Angelo thlahna leh an ui thu social media-a tarlang zingah an tel.

D'Angelo hian kum 1993 khan EMI Records nen inremna siamin album pathum a ti chhuak a, kum 1995 khan 'Brown Sugar' tlangzarhin a lar chho nghal a, he album-a hla 'Lady chu Billboard Hot 100-a top 10 ah a lanpui a ni. He hla hmang hian Grammy nomination eng emaw zat a hmuh phah bawk. Kum 2000-ah 'Voodoo' a tlangzarh leh a, kum 2014 khan a album hnuhnung ber 'Black Messiah' a tlangzarh bawk. Grammy Awards vawi li a dawng bawk a ni.