'Resurrection of the Christ' ah Jaakko Ohtonen leh Mariela Garriga

Mel Gibson movie, 'The Passion of the Christ' follow up 'The Ressurrection of the Christ' a Isua lema chang turin Finnish actor, Jaakko Ohtonen chu tihchian a ni tawh a, original star Jim Caviezel aiah a chang dawn a ni.

Mary Magdalene lemah Cuban actress, Mariela Garriga a chang dawn a, ani pawh hi original cast Monica Belluci aiah a chang bawk ang. 'The Ressurrection of the Christ' hi Gibson, Bruce Davey leh Icon Productions banner bakah Lionsgate-te siam a ni a, part hnihah ṭhen a ni ang. 'The Resurrection of the Christ Part One' hi March 26, 2027 Good Friday-ah tihchhuah tum a ni a, 'Part Two' chu May 6-ah tihchhuah leh a ni ang a, Lionsgate-in theatre-ah a tlangzarh dawn a ni. Film shooting hi kar hmasa khan Rome-a Cinecittà Studios ah an nei ṭan tawh.