Stanley leh Simmons-ten Ace Frehley an ui

American rock band, kum 1973-a din Kiss lead guitarist Ace Frehley (74), Ningania New Jersey-a thi ta chu a bandmate Stanley leh Simmons-te chuan an ui thu an sawi chhuak.

An pahnih hian thuchhuah inṭawm siamin, Ace Frehley chu band din a nih aṭangin mi pawimawh tak a nih bakah amah thlak theitu an awm tawh dawn lo tih an sawi. KISS chanchinah a tel reng tawh dawn a ni, an ti. A chhungte leh khawvel hmun hrang hranga fan-te pawh an rilruah an awm reng tih an sawi.

Legendary rock and roll musician, Frehley hi Ningani khan a chenna ina a tluksual avangin a thi a ni. Frehley leh co-lead singer Gene Simmons, guitarist Paul Stanley leh dummer Peter Criss-te chuan an band Kiss hi kum 1973 khan an din a, an hmaia an ziah ran ṭhinte leh, stage-a an thawmhnaw hak leh chet dante chuan an larna a ti belhchhah hle. An band hi kum 2014 khan Rock & Roll Hall of Fame-ah lak luh an ni.