Limp Bizkit bassist Sam Rivers a bandmate-ten an ui

American nu metal band, Limb Bizkit dintu zinga mi leh bassist, Sam Rivers (48) chu October 18, Inrinni khan a thi tih an band chuan social media-ah an tarlang. A thih chhan puanzar ni lo mah se, thin ṭha lo a nei nia sawi a ni thung.

Limb Bizkit band chuan an unaupa leh bandmate an chan thu an tarlang a, bassist mai ni loin, an band tana mi hlu tak a ni tih an sawi. Hla an siam ho tirh aṭangin Sam chuan rimawi ṭha tak tak a chhawp chhuak tih an sawi bawk. Sam hian 2015 khan a thin ṭhat loh avangin band a chhuahsan a, thin thlak (liver transplant) niin kum 2018 aṭang khan a thih thlengin band hi a zawm leh a ni.

Sam hi kum 1977 khan Jacksonville, Florida-ah a piang a, middle school a kal aṭangin tuba a tum ṭan tawh. Limp Bizkit singer/rapper Fred Durst nen short-lived band, Malachi Sage tih chu dinin, hemi hnu kum 1994 khan Limp Bizkit chu John Otto leh Wes Borland-te nen an din ta a ni.