KC TVS-in Service Station hawn belh

KC TVS chuan Mizorama TVS two-wheeler dealership an kalpui atanga kum thumnaah an huang zauhin, Aizawl chhim lamah Service Station an hawn belh.

October 2022 aṭangin KC TVS hian an hmunpui Bawngkawn, Aizawlah showroom hawngin service an kalpui tel nghal. An hmunhmain a zawh loh chang a awm tak fo avangin mipui harsatna sukiang turin Model Vengah branch hawngin service an kalpui nghal a, showroom pawh neih thuai an beisei.

Model Vengah hian mechanic ṭha dahin chhiatna liantham leh khawih harsa bik ni lo, service pangngai leh a part thlak ngai an ti thei vek a, part hman lar leh tlanglawn a kawl kim thaw khat. Heta service an tih avang hian warranty an neih a thih phah dawn lo tih an sawi bawk.

Chief Executive Officer Kevin Vanlaltlana chuan, "Tihchangtlun zel kan tum a. Model Venga Service Station thar chhungah hian showroom hawngin lirthei hralh chhuahna tur kan buaipui tel nghal a, kan la zo lo deuh," a ti.

Indian kutchhuak TVS Motor Company hi India rama two-wheeler hralh hnem pathumna a ni a, a bikin Jupiter 125 chu India rama scooter hralh hnem ber dawttu a ni nghe nghe. Mizoramah pawh two-wheeler hralh tam pathumna ni mekin Ntorq a lar ve thung a, tunhnaiah Jupiter duhtu an pungin taxi atan pawh an intihmuh chho tan niin an hria. Lirthei chi hrang an ngah a, electric scooter duh tan iQube a awm a, sports leh street bike duh tan Apache RTR chi hrang hrang bakah cruiser lam ngainate tan Ronin an kawl tel bawk a ni.