BLACKPINK-in music video thar buaipui leh mek

K-Pop girl group lar ber pawl, BLACKPINK member-te solo-a an kal hnuah, kar hmasa khan girl group angin kumin December-ah album tihchhuah an tum thu an puang. Nimin khan YG Entertainment chuan tun kar chhoah music video thar tur buaipui mek a ni tih an puang zui leh nghal.

Agency lam chuan BLACKPINK fan-te tan rimawi ṭha tak tihchhuah leh ngei an tum tih sawiin, a hmawr an bawk hnai tawh a, zawhfel a nih hnuah official promotion hmangin thu lawmawm tihchhuah theih an beisei thu an tarlang. BLACKPINK hian group anga album an tihchhuah hnuhnung ber chu "BORN PINK", kum 2022 a mi daih tawh kha ni. Kumin July khan "DEADLINE" world tour chu a nei leh ṭan a, an single thar "JUMP" an tlangzarh zui nghal bawk.