Shillong-ah BLUE in tour nei dawn

UK boy band, an hla hit All Rise, One Love tihte pawh Mizorama kan lo hriat lar ve tak, BLUE chuan an band 25th Anniversary World Tour pualin kumin December hian Shillong-ah concert an nei dawn. India rama tour an neih vawi khatna tur niin Shillong bakah Gangtok, leh Bengaluru-ah an nei dawn bawk.

Shillong-ah hian show hmasa ber neiin December 11-ah an nei dawn a, show vawi hnihna hi Gangtok, Sikkim-ah December 12-ah neiin, hei hi Sikkim-in state an nih kum 50-na lawmna pual a ni nghal dawn bawk. Sikkim-a an concert turah hian K-Pop band Everglow an perform tel dawn a, Sikkim-a international concert lian ber a ni pha dawn a ni. December 14-ah tour kharna chu BLUE fan tamna, Phoenix Marketcity, Bengaluru-ah an nei dawn a ni.