'The Voice' mentor-ah Joe Walsh leh Zac Brown

American singing reality competition TV series, 'The Voice' season 28-ah mentor tur atan Zac Brown band front man Zac Brown leh Eagles guitarist Joe Walsh-te ruat an ni. Mentor thar turte hi an duai lo hle a, Zac Brown hi Grammy winner a nih bakah Joe Walsh hi Rock & Roll Hall of Fame member a ni.

Walsh leh Brown-te hian October 27-a Knockouts inelna neih turah contestant pariat ve ve an kaihruai dawn a ni. Zac Brown hian coach Michael Buble leh Snoop Dogg-te team a enpui dawn a, Joe Walsh hian Nial Horan leh Reba McEntire-te team a enpui ve thung ang.

'The Voice'-ah hian tun season-ah hian a vawi khatna turin 'Mic Drop' button an nei dawn a, hemi hmang hian coach te'n an team ami contestant thiam an tih leh an lungdumtu ber chu playoff an tlang tir nghal thei dawn a ni. Hei bakah thlirtu mipuite chuan knockout round-a tling palite aṭangin vote hmangin 'Mic Drop' winner tur an thlang thei dawn bawk.