OpenAI-in Martin Luther King Jr. video siam theihna titawp

Artificial Intelligence powerhouse, OpenAI chuan an tool tihchhuah thar ber Sora 2 hmanga AI video siam ṭhin zingah, civil rights leader Dr. Martin Luther King Jr. kaihhnawih video siam theihna a titawp. Company chuan an tihtawp chhanah hian Sora hmangtute chuan Dr. King zah lohna lam rawngkai thil an siam vang niin an tarlang.

OpenAI chuan X kaltlangin King Estate, Inc. nen thuchhuah inṭawm an siam a, company leh MLK estate chu an thawkdun tlat dawn tih leh King Inc., lamin an ngen anga hma lak a nih thu an tarlang. Open AI chuan public figure leh an chhungte chuan anmahni lem siam hman ṭhin a nih danah hian thuneihna an nei a ni tih an tarlang tel bawk. Sora 2 hi tun thla tir lam khan tlangzarh niin, text-to-video model kan tih ang hi niin a tak ang tak tak video a siam chhuah theih a ni. Hengte vang hian Hollywood pawhin hetiang system AI company-in an rawn tichhuak chu an dodal nasa hle tawh a, copyright opt-out system chungchangah pawh hma la tur hian an lo ngen hial a ni.