Warner Bros. Discovery zawrh mek a ni

American multina-tional mass media leh entertainment company, Warner Bros. Discovery(WBD) chuan Thawhlehni khan an company chu an zawrh mek thu an puang. Warner Bros. hi HBO leh CNN neitu a nih mek bakah khawvel huapa sport hrang hrang Olympics, French Open(Europe), leh Premier League(UK)-te pe chhuaktu an ni mek bawk.

Company chuan tun hnaiah anmahni kaltlanga tihchhuah cable network-te chu streaming leh studio business aṭanga kal hran tir a tum thu a lo sawi fo tawh a, hei bakah hian company chuan kum eng emaw kalta aṭang khan cable TV entu an tlakhniam avangin Netflix ang deuha an content hrang hrangte sawi khawm an lo tum tawh ṭhin a ni.

WBD company hlutna hi USD tld 45 chuang a kai pha a, hei bakah an laka sum tam tak ba mek an awm bawk. Company tihlu zual tur hian Harry Potter leh DC comics hero hrang hrangah rights neitu an ni mek a, tun hnaiah pawh global hit film eng emaw zat an lo tichhuak tawh bawk. Lei tum zingah Paramount + chu thawm nei lian ni mah se, an ngamna zat hi hnawl sak niin NBC chuan a tarlang.