Nakkumah Bon Jovi Forever Tour

American rock band, Mizoramah pawh kan hriat lar leh ngaihthlak nasat, Bon Jovi chuan nakkum hian Forever Tour an nei dawn. An vocalist, Jon Bon Jovi-a'n kum 2022-a a aw bawm (vocal cord) zai a nih vanga live performance a chawlhsan hnuah tour hi an nei leh thei dawn ta a ni.

Bon Jovi 'Forever Tour' hi Live Nation produce tur a ni a, July 2026-ah Madison Square Garden, NYC-ah khuh hawngin he hmunah hian show vawi li an nei ang. Hemi hnu hian U.K. leh Ireland-ah kum 2019 hnua a vawi khatna atan an perform chhunzawm dawn a, London Wembley Stadium-ah show vawi khat an nei bawk ang.

Bon Jovi hian an studio album 16-na, 'Forever' legendary edition chu vawiin hian an tlangzarh bawk a, top artist - Bruce Springsteen, Lainey Wilson, Jelly Roll, Jason Isbell, Carin Leon, Joe Elliott, Robbie Williams, Avril Lavigne leh mi dang an thawhpui.