'Keimah Thingtlang Nula' Season 2 tlangzarh

Mizo film thar, 'Keimah Thingtlang Nula' Season 2 chu nizan dar 8:30 khan Vanapa Hall-ah tlangzarh a ni. Kumin March thla khan season 1 tlangzarh a lo ni tawh bawk. Season 2-ah hian a changtu ngaite an chang leh a, a movie pawh a thawnthu lo awm tawh sa nen inang thei ang ber tura siam a ni tih, director Lalnunsiama (SVP) chuan Vanglaini a hrilh.

Season 1 ah khan Diki Renthlei, Sangsangi, Sangtea Chhangte, Duhawma Hmar leh Aaron Malsawmdawngzuala te chuan a thawnthua character lar ber ber lem an chang a, Season 2 ah pawh an vai hian inlan lehin, mi thar erawh an awm nual thung. Francis Malsawma, Ruthy Chenkual, Lalhriattluanga, VS Laldinpuia, H. Zoramparite an inlan bawk.

Keimah Thingtlang Nula Season 1 leh 2 hi Leikapui studios app ah dah a ni. Producer chu D-3 business neitu, Dr. Lalmalsawma niin, shooting hi Kelsih Khua leh Durtlangah neih a ni a, August thla tawpah shoot ṭanin October thla tirah an zo. Director hi Lalnunsiama (SVP) a ni.