Inter School leh College Public Speaking Competition hmawr bawk hnai

Lamtluang Lifeskills Academy leh Mizoram State Child Protection Society buatsaih, Inter School leh College Public Speaking Competition chu a hmawr bawk a ni hnai ta. He competition hi MSACS, Hriatna Eng Mobile App, Ethnic Kitchen leh MBOCWWB te sponsor a ni.

Audition round-ah college 12 telin, chuta ṭang chuan top 10 thlan an ni. Top 10-te hian interview round-ah inelna an nei leh a, heta ṭang hian top 5 thlan chhuah an ni. Top 5 te hian October 28-ah Vaivakawn Cultural Hall ah inelna an nei dawn a, an zing aṭangin top 3 thlan chhuahte chuan inelna level sang tak, Picture Description round, thlalak an hmuh aṭangin thu an insawi siak ang. Hei bakah awareness leh advertisment round hmangin inelna an nei bawk ang.

Competition final chu November 20, 'Naupangte Ni' ah neih a ni dawn a, Lailen Tv Youtube channel ah pek chhuah a ni ang. Judge-te hi Vanneihtluanga, Prof Lalbiakdiki Hnamte leh Nathael Vanchhawng (Life Coach) te an ni.