Booker Prize-in naupang fiction award siam

Booker Prize buatsaihtute chuan naupang fiction ziahah award siamin, judge atan naupang an hmang dawn bawk. Children's Booker Prize hi kum 2026 aṭanga buaipui ṭanin, lawmman dawngtu tur hi 2027-ah puan a ni ang. Hemi kum aṭang hian kumtin buatsaih tum a ni bawk. Contemporary fiction ziak ṭhin naupang kum riat aṭanga kum 12 inkar hnenah chawimawina hi hlan ṭhin a ni ang.

UK-a Children Laureate, Frank Cottrell-Boyce chu judge chair hmasa ber tura ruat a ni. Cottrell-Boyce leh judge dang pahnihte chuan lehkhabu pariat an thlang chhuak dawn a, chawimawina dawng tur thlang tur hian naupang pawh an tel dawn a ni. Booker Prize Foundation chief executive, Gaby Wood chuan Children's Booker Prize an siam chu kum 20 chhunga an hna thawh ropui ber zinga mi tih a sawi. Children's Booker Prize siam chuan lehkhabu ziaktu tam tak leh Children Laureate lo ni tawh ṭhinte pawhin ṭha an tih thu an sawi. Booker Prize dawng thei tura thlan chhuah pariatte chuan £2,500 an dawng dawn a, Book Prize atana thlan hian £50,000 a dawng dawn a ni.