Blue Corn aiah Christy

Demand Channel awm laia Krismas laia mi tam takin kan hmehchhuah ṭhin, Blue Corn hla ëKrismas nang není tih hla kha Christy Zaithanchhungi chuan a rawn tuaithar a, TV-ah pawh a pe fel ta.

Mizo Idol 2013 aṭanga kan hmelhriat, Kolasib nula, Christy Zaithanchhungi hi Ṭhazual chart-ah pawh pakhatnaa kan hmuh ṭhin kha a ni. Kum 2014 khan ëA dam ve turí a rawn hlawhtlinpui a, pakhatna a luah a, hemi hnu hian ëChhingkhual lengdangí tih pawh a hlawhtlinpui. Hriatrenga nena ëMuanna nge hmangaihnaí tih pawh a nalh hle. ëChhingkhual dií tih hla kha nikum khan a tichhuak.

Nikuma music a tihchhuah hnuah kumin a reh ta hle mai a, zai a chawlhsan ta em aw tih hial tura a reh hnuah, Krismas a rawn thlen dawn meuh chuan Krismas lunglÍnnain a zÍm a, music thar a rawn tichhuak leh ta a ni. Blue Corn-ina an lo larpui tawh ëKrismas nang není tih hla hi Tlingi leh Felicia te phuah kha a ni. Music hi PB Lianhminga leh Ephraim te siam a ni a, Foster Recording-ah a record a, video hi JP Pix siam a ni.

Music khawvelah kan hmelhriatna a la rei lutuk lo nachungin Christy hian hnuhma a nei hman ve hle tawh. Tuna Krismas hla a tihchhuah hi a single video palina a ni der tawh a, midang nena an zaina leh Tahan concert velte nen chuan music video pakua lai a nei tawh.

Kumin chhung zawng deuh thaw a reh a, a rehna chhan hi Christy chuan sawiin, ìZirna avang≠in hmun dangah ka awm bo char char a, chuvang chuan music lam pawh ka ngaihtuah hlei thei lo,î a ti. Zirna avang hian a la awm bo rih deuh dawn a, tuna mi, Krismas hla bak hi chu a music video kan hmu leh har viau tawh mai thei.