Zaninah KṬP Bible Quiz semi final

Saron Branch KṬP tena an buatsaih, National Mental Health Programme (NMHP) Inter Branch KṬP Bible Quiz chu zanin dar 8 hian semi final neih a ni tawh dawn. LPS 10 leh Zonet Rinna channel-ah te live-a pek chhuah a ni ang.

Semi final-ah hian match hmasa zawkah Tlangnuam South, Sateek, Leitan leh N. Vanlaiphai Bangla Veng te an intum ang a, match hnihnaah Chanmari West Hmar Veng, Zemabawk Vengthar, Melthum leh Dinthar Vengthlang te an inlan ang.

NMHP Inter Branch KṬP Bible Quiz-ah hian tel turin branch 115 ten hming an pe lut a, branch 107 in elimination an exam a, chuta ṭang chuan branch 32 te thlan chhuah an ni. Heng branch 32 aṭang hian branch 8 te semi final hi an lut. Zanin hian branch ti ṭha pali thlan chhuah an ni ang a, heng branch te hian November 29, Thawhlehni zanah final an hmachhawn ang.

He intihsiaka pakhatna hian Rs. 70,000 an dawng ang a, pa≠hnihnain Rs. 50,000 an dawng a, hei bakah hian keyboard, trophy leh citation pek an ni bawk ang. Finalist branch pahnihte hnenah Consolation prize Rs. 10,000 leh citation pek ve ve an ni ang.