Andrew-a music video Vawiin aṭangin YouTube-ah

ëNunna Tharí hla nen Ṭhazual chart-ah a lang mek a, Andrew hian hei hi duh tawk mai loin, Krismas hla, a hmaa lyrical video-a a lo tihchhuah tawh chu music video pangngai zawka siamin, vawiin aṭangin a video hi YouTube-ah a dah chhuak ang. Andrew-a music video thar hi ëDecemberí a ni a, tun kar khan a audio version chu Mizo Store-ah a dah chhuak tawh a, a video hi vawiinah kan hmu ve thung ang. Andrew-a hian a hla thar hi nizan khan Pathian hnenah a hlan tawh bawk.

Andrew chuan YouTube-a a dah chhan a sawi a, ìKrismas hla a ni a, Krismas season chhung hi music lam aṭanga thlir chuan a rei lo hle. Chuvang chuan mi tam zawkin an hmuh a, an ngaihthlak theih nan YouTube-ah hian ka dah a ni,î a ti. ëDecemberí music video hi RZA Bawitlung, Kolasib kut≠chhuak a ni.

A hmachhawpa album siam leh tum mek Andrew-a hian kumin chhung atan chuan a music video tihchhuah bak hi chu hnuhma a nei tam tawh lo ang. A album tur chungchang pawh a sawi thui duh vak lo. ìAlbum hi ka siam tawh a, tih namai a ni lo. Uluk taka tih a ngai a, rilru sÍn a ngai. Kumin chhung chuan ka buaipui tawh lo ang; chhungkuaah kan buai ve tawh a, thil dang ngaihtuahna hun a awm tawh meuh lo,î a ti.

Krismas dawn leh bawr vel hi zaithiamte hah hun, hunawl an neih tlem hun a ni. Andrew-a pawhin hunawl a ngah tawh lo a, programme lak a ngah tawh. ìProgramme lian tham bak chu ka la duh tawh lo. Veng chhung huap thil eng emaw buatsaiha zai tura min sawmna ṭhenkhat pawh ka hnawl tawh a ni,î a ti. Programme a neih sa ngawt pawh a tam tawh hle a ti.