Kum 11 tlin lawm nan Zaninah Magdalene concert

Mizorama gospel band kan neih ṭhat ṭhin, hlawhtling em em Magdalene khan kumin hian kum 11 lai an tling ve ta a, an kum 11 tlin lawm nan zaninah Hawla Auditorium, Treasury Square-ah concert an buatsaih dawn.

Kan hriat ṭhin angin Magdalene hian album hlawhtling tak tak an lo tihchhuah tawh bakah, India ram hmun hrang hrangah pawh hnuhma ropui tak an lo hnut≠chhiah tawh a ni. Kum 2006 khan IIT Roorkee-a band intihsiakah pakhatna an lo ni tawh a, hemi kum vek hian IIT Kanpur-ah pakhatna an ni tawh bawk. Hei mai bakah Great Indian Rock-ah kum 2006 leh 2007 te khan an lo perform tawh bawk. Mizoram chhungah pawh chawimawina leh hlawh≠tlinna chi hrang hrang an lo dawng tawh a, Lelte Award, Vulmawi Award, Rimawi Khawvel Award te pawh an lo dawng tawh a ni.

Magdalene hi a tira an din a, an lar chhoh ang khan thil tih ho a awlsam tawh lo a, chuvang chuan an perform hi kan hmu kh‚t ta. An vocalist ber Stewart hi YWAM hnuaiah missionary-a a kal tak avangin an che ho kh‚t tawh hle a, kum 2013 kha band anga chÍt hnuhnun ber a ni. Stewart-a lo haw lai a ni a, hun remchangah lain an band kum 11 tlin lawm nan hian concert an buatsaih dawn ta a ni.

Zanin concert hi zan dar 6:30 aṭanga neih ṭan tur a ni dawn a, ticket hi Rs. 100 leh 500 man a ni a, a hmunah zawrh chhuah a ni ang. Vawiin hi Magdalene band a din aṭanga ni 4130-na chiah a ni. Album pahnih an tichhuak tawh a, pakhat hi an band hming chawi ëMagdaleneí a ni a, pakhat dang leh chu ëLife beyond deathí a ni.