Zolunglen zan leh Oldies Night

Tourism Department hmalaknain Zirtawpni zan apiangin Zolunglen Zan cum Oldies Night neih ṭhin a ni a, a hmun hi Cafetaria kawt, Berawtlang a ni.

Mizorama vai mi lian hnathawk tam tak hian kar tawpah Silchar-ah te chhukin hun an hmang a, pawisa tam tak an zuk hmang ral a, Mizoramah an rawn let leh ṭhin. Heng mite leh, Mizote zingah pawh hla hlui, chuai thei lo ngainate tan Tourism Dept leh BZ Band ṭangkawpte chuan Zirtawpni zan apiangin Berawtlangah hian Zolunglen Zan cum Oldies Night hi an buatsaih a ni.

BZ Band hi Otto Band vanglaia Mizorama zaithiam kan neih ṭhat zinga mi, K. Lalthang-
ṭhuama ho an ni a, ani bakah hian tunlaia kan zaithiam neih ṭhat zinga mi Rebecca Lallawmsangi a tel bawk. Vocalist dang hi Richard-a a ni a, ani hi keyboardist a ni nghal. Bassist hi Lalrinpuia (Angtea) a ni a, drummer hi Albert-a niin, guitarist hi Ramhluna a ni. Anni bakah hian guest artist ṭhahnem tak an awm bawk. Mizo hla hlui, 80s leh 90s chhoa kan hriat lar te bakah Sap hla, 70s, 80s vela mite an sa ṭhin a ni.

Zolunglen Zan cum Oldies Night-ah hian seat 80 awmin luh man hi mi pakhatah Rs. 150 a ni. December thla aṭang hian Hindi Pop Night buatsaih ṭhin a ni bawk ang.