Ṭhazual Gospel chart-ah Maruati Hnamte a kaisang

GIG Ṭhazual Gospel chart tharah, chart hmasaa pahnihna Maruati Hnamte 'Rinngam Lalpa' (6:11 ost) chu pakhatnaah a kaisang ta.

'Rinngam Lalpa' hi C. Lalzarmawia phuah a ni a, music hi Muanpuia kutchhuak niin, audio mixing hi Lalthlamuana (Mama) siam a ni. Music video hi M_SPACE production kutchhuak a ni. Kumin August 23 khan C Lalzarmawia YouTube channel-ah upload a ni a, view 81,454 a nei tling tawh.

Melody Lalzirliani 'Zinkawng ṭha ber Isua nen' (Project Chawlhna Krista) chu pathumna aṭangin pahnihnaah a chho bawk. He hla hi Chris Ms Dawngkima phuah a ni a, audio mixing hi Mathana EFX Audio kutchhuak a ni. Music video hi M_SPACE production siam bawk a ni. Palinaah Cindy Lalthanpuii 'A awm e' chu langin, Hlimhlimi 'I Tel lo chuan' chu Top 5-ah a lang bawk.