Kumina movie zinga hlawhchham ber
Forbes chanchinbu chuan kumin chhunga movie chhuak zinga hlawhchham chiang ber a tar chhuak a, chutah chuan Max Steel kha a hlawhchham chiang ber.
Forbes chanchinbuin a tarlan, Biggest Turkeys-ah hian Ben Winchell-a channa Max Steel hi a senso ngaihtuaha sum lalut tlem ber a ni a, budget lian si, sum lalut tlem si Ben Hur ai pawha che chhe zawka ngaih a ni.
Max Steel siam nan hian USD mtd 10.4 lai sÍn a ni a, chutihlai chuan USD mtd 4.4 chauh a hmu chhuak thung. Hei vang hian Forbes chuan kumina movie chhuak zinga hlawhchham berah a thlang a ni.
Matthew McConaughey hi actor hlawhtlinga chhiar ni mah se, movie hlawhchham tarlanah hian a channa, Free State of Jones chu pahnihnaah a lang pha. He film siam nana an senso zawng zawng chu USD mtd 50 zet a nih laiin pawisa an hmuh let hi zaa 46 chauh a ni a, a zatve USD mtd 25 pawh a hmu let lo tihna a ni.
Popstar: Never Stop Stopping chu pathumna a ni a, USD mtd 20 sengin an siam a, USD mtd 9.5 chauh a la lut a, zaa 50 pawh a hmu tling lo tihna a ni. Pride and Prejudice and Zombies chu palina a ni a, Ratchet & Clank chu panganaah a lang. Movie hlawhtling lo langsar dangte chu Keeping Up With the Joneses te, Masterminds te, The Brothers Grimsby te, Whiskey Tango Foxtrot leh Snowden te a ni. Forbes hian movie hlawhchham a chhutnaah hian October 31 hma lama tihchhuah, US puma tih≠chhuah (nationwide chauh, limited release tel loin) te an ni.