Christmas Carnival leh Dance show buatsaih leh dawn

Mizo Dance Camp chuan tun December 16 aṭang hian Mizo Dance Camp a buatsaih dawn a, hei bakah hian MDC hian December 23 khian Winter Showcase buatsaih a tum bawk a, hetah hian Haunted House siam a ni leh ang.

Christmas Carnival buatsaih turah hian Halloween denchhena haunted house siam kha siam leh a ni dawn. Hei bakah hian Santa Clause Gift, photobooth, food stall, cafe leh fun and games te siam tum a ni.

Mizo Dance Camp hian kum tina an lo buatsaih tawh ṭhin angin kumin pawh hian Winter Showcase a buatsaih leh dawn. Winter Showcase hi December 23 khian Vanapa Hall-ah neih a ni dawn a, chhungkua leh ṭhianhoa en duh tan pawha en tlak tura buatsaih tum a ni. Winter Showcase-ah hian lâm hmuhnawm tak tak entir a ni dawn a, Mizo Choreographer
ṭha ber berten an talent te an pho chhuak ang a, theme hrang hrang hmangin choreo an siam ang.

Winter Showcase zan hian heng choreo hrang hrang bakah Mizo Dance Camp-a lâm zir ten an thil zirte an pho chhuahna showcase an nei nghal dawn. Hemi tur hian vawiin aṭangin Winter Intensive Workshop chu ṭan a ni ang. Hetah hian MDC Artists ten hip hop leh contemporary style-ah te lâm an zir ang a, age group pathum - Kids, Teens leh Adult ah te ṭhen a ni ang. Class hi nitin tlai dar 3 hnu lamah neih ṭhin a ni dawn a, school chawl laite leh lâma tuite tan chuan hun remchang tak a ni. Registrations hi MDC Studio, Electric Veng ah vawiin leh naktukah te nghaiven theih a ni.