Nak zanah Icon top 7

Zoplast LPS Youth Icon neih mek chu a boruak a sang sawt hle a, pariat aṭangin Thawhlehni zan hian pasarih an ni tawh dawn. Thawhlehni zanah Top 7 result puan a ni ang.

Inrinni zan khan Top 9 aṭangin Lalṭhafamkimi, Ramhlun Sports Complex a tla a, ani hian inthlah nan ëVan lawmna ka tan a awmí tih hla a sa. Tla ta mah se, Rs. 5,000 a dawng ta tho.

Mody Hmingsangzeli chuan ëMuanna damna kimí hla a rawn sa a, a zai ṭha viau a, judge David Z. Hmar pawn a fak hle. Rualthanchhingiín ëNunna Tharí hla a rawn sa a, a thiam viau. A zai zo chiaha Samuel Lalhruaitluanga chuan ëNunna Tharí tih hla tho a rawn sa, Rualthanchhingi erawh a tluk lo deuh niin a lang a, chubakah ṭum dang aiin a zai chhe deuh. Melody Lalzirlianiín ëA hruai ang cheí tih hla a sa a, a thiam viau, R. Lallawmsangaín ëBuannel ram daií a rawn sa a, a thiam hle. Judge Joy Zairemmawia pawn a hla sak tur dik tak a sa nia a hriat thu sawiin a fak hle. Eunice Lalduhsakiín ëNi tinin hmangaih che ka duhí tih hla sain, C. Lalnunsangaín ëPialleií tih hla a sa a, K. Lalthlamuankimiín ëHmangaihna rinawmí a sa bawk.

Thawhlehni zan hian Inrinni zana zaite aṭangin result puan a ni dawn. An zai dan hrim hrim aṭanga ngaihtuah chuan Samuel Lal≠hruaitluanga dinhmun a derthawng. Naktuk zan hian an dinhmun kimchang chu a hriat dawn a, en a chakawm hle. Result puan a nih bakah Top 7 ten intihsiak an nei nghal ang.