Serlui lamah cycling tour nei dawn

Mizoram on Two Wheels chuan vawiin hian an cycling expedition vawi 4 na atan Serlui B hydel project an pan leh dawn a, tun tour hi an sponsor hming chawiin 'Inkspot Tour de Serlui B' an ti.

Inkspot Tour de Serlui thirsakawr khalh thiam mi pasarih ten kilometre 110 vela hla, Serlui B Hydel Project chu Aizawl aṭangin an pan dawn a, Sairang, Buichali, Mualkhang Gas Bottling Plant, Food Park hmun tur, Kawnpui, Kolasib leh Bilkhawthlir te hrut thlain, Serlui B an lut ang. He tour hi remchang hmasa berah an media partner Zonet TV ah tihchhuah leh tur a ni.

Michael Laldinsanga Ralte in a kaihhruai tur Inkspot Cycling tour ah hian rider hmelthar te pawh kan hmu dawn a, badminton khel thiam, Mizoram chhunga vawi tam tak champion tawh, state aiawha vawi tam feh chhuak tawh Samuel Lalnunmawia pawh a tel ve dawn a ni.

Mizoram on Two Wheels hian nikum lam khan Aizawl atangin Sailam khua an va tlawh tawh a, chumi hnuin Chalfilh tlang lawnin Vanzauah an han riak lut tawh a, kumin fur lai khan Reiek tlang an lawn chilh tawh bawk. Tunah hian a hla ber leh hautak ber tura ngaih Serlui B Hydel Project an pan leh dawn a; an ngaih pawimawh - taksa hriselna vawn pawimawh zia te, Zoram zimte kan tihchereu mek venhim a ṭulziate chu an tlang≠aupui leh dawn.