Hlimhlimi Krismas video a hnai

Gospel huang chhunga kan zaithiam neih ṭhat zinga mi Hlimhlimi chuan a Krismas music video hmasa ber chu a peih a, tunkar hian TV-ah an dah ang. A hla hi Blue Wave Records website-ah ngaih≠thlak chhin theiha dah a ni.

Hlimhlimi Krismas hla hmasa ber hi ëNgai ru Van mi tlangau chuí tih hla kha a ni a, record leh shooting an zo tawh a, edit pawh zawh a ni deuh thuak tawk. Tunkar chhung hian Zonet TV-ah kan hmuh ngei a rinawm. Hlimhlimi tana tuna a hla hi kumina a hla pathumna tur a ni a, kumin May thla khan ëI pan ang uí tih hla a siam a, June thla aṭang khan Ṭhazual chart-ah kan hmu a nih kha. Hei bakah hian October thla khan ëNangí tih hla, Zoramsanga lehlin chu a lo tichhuak tawh bawk.

Tuna Hlimhlimi music video thar ëNgai ru Van mi tlangau chuí tih hi Krismas hla lar a ni a, mi tam takin kan hriat sa a ni. Amaherawhchu Hlimhlimi sak dan ang erawh chuan kan vawi khat hriatna tur a ni dawn a, kan hriat ṭhin nen danglamna a awm dawn, hei tak hi ngaihthlak tichakawmtu a ni. A mawi lehzual theih nana chei a ni a, a thl˚k pawh engtin emaw chuan an kuaiher a nih hmel hle.

Hlimhlimi hian kumthar hian music video tichhuak turin a inbuatsaih mek bawk. A music video buatsaih hi ëInenfiah rawhí tih a ni a, kumina tihchhuah a tum zawk tak a ni a, shooting pawh a zatve vel lai chu an zo tawh. Hetiang hi ni mah se, Hlimhlimi chuan kumina tihchhuah a tum ta lo law law a, kumthar lamah erawh chuan a hla thar hi kan hmu ngei ang.

Tuna music video a siamah amah puibawmtu zawng zawngte chungah Hlimhlimi a lawm hle. Music leh recording hi Blue Wave Records kutchhuak a ni a, light hi Delta Sound niin video hi Milestone Pictures kutchhuak a ni. A video-ah hian Model Veng KṬP Faklam te mawi takin an lam bawk.

Blue Wave Records hi label mumal tak angin a kalpui ṭan a, website pawh siamin, a website hi bluewaverecords.in a ni a, hetah hian Blue Wave kutchhuak hlate dahin, tunah hian website aṭanga lei theih turin buaipui mek a ni. Hlimhlimi hla thar pawh hi bluewaverecords.in-ah a teaser audio ngaihthlak theih a ni.