Threads-in feature thar 'Ghost posts' tichhuak

Meta X elpui tura ngaih leh beisei, social networking app Instagram Threads chuan Thawhṭanni liam ta khan feature thar, khawvel puma Threads hmangtute tana hman theih tur 'Ghost Posts' an tichhuak. Feature thar hi Threads kaltlanga thil post chu darkar 24 hnua amah a indah bo leh theihna tur niin, hmangtute chuan app chhunga "ghost" icon aṭangin a on theih dawn a ni.

Ghost post hmanga post siam reng reng chu hriat hran theihna turin "ghost" sign a awm dawn a, heng post-te hi mobile leh desktop aṭanga hmangtute pawhin an reply in an react thei dawn bawk. Ghost post-a reply leh react-te hi DM-ah a lut tlang thung dawn a, post a bo hnuah hian post-tu tan erawh "archive" ah a awm zui ang. Message request off tan erawh follow lo tu te'n post chu an reply thei dawn lo thung.