'Taxi Driver 3' November 21-ah premiere dawn

South Korean revenge drama hit, 'Taxi Driver' season thumna chu kumin November 31 hian premiere a ni dawn. 'Taxi Driver' season hmasa khan an ram chhungah entu 21% an nei tling tih Nielsen Korea chuan a tarlang. Kum 2023 hnua drama entu nei tam top 5-ah a lang pha.

'Taxi Driver' hi webtoon behchhana siam a ni a, 'Rainbow Taxi Company'-in private revenge mission a kalpui dan chungchang niin, danin ro a rel felsak theih lohte an pui ṭhin. Season thumnaah hian mihring inhralhruknaa international joint operation an kalpui dan leh, dan phal loh private loan organization-te chunga phuba an lak dan tihlan a ni ang. Khawvelin harsatna a hmachhawn mek, loan hmanga inbumna, mihring hralh rukna leh ram danga hnathawk tura inbumna lamte tihlan a ni bawk ang. Lee Jae-hoon, Pyo Ye-jin, Bae Yoo Ram, Jang Hyuk-jin leh Kim Eui Sang-te chu a changtu turte an ni.