LBS Suzuki Youth Icon & Super Dance Crew Top 3 a hriat ta

LBS Suzuki Youth Icon & Super Dance Crew 2019 intihsiakna boruak sang chho zelah Inrinni zan khan Top 5 contest neih a ni a, sap hla leh Mizo hla hmangin intihsiakna an neih bakah sap hla bikah hian lamthiamte an perform tel bawk.

Inrinni zanah khan Serchhip tlangval Lalbiakhlua chu thlan a lo ni tawh a, Ramhlun South nula R.Lalsangzuali (Abawihi) leh Lalbiakhlua-te hi Bottom 2-ah an awm avangin sap hla hmangin an inel a, Abawihi hi ding chang zawkah a ṭang ta a ni.

Hemi hnu hian intihsiaknain a chhunzawm a, Thawhṭanni zan khan show ṭan tirhah Top 4 result puan a ni a, Laltlanmawia, Lungdai Sentlang chu thlah a ni leh a, chumi hnuah chuan Top 4-te hi an intihsiak zui leh a, result puan a ni leh nghal bawk.

Intihsiak boruak a sang chho zel a, zai lama inelten hma an sawn chho telh telh niin a lang a, intihsiak boruak pawh a hmuhnawm sawt hle.

Baryl Vanneihsangi pawhin damlo chung­in zei takin a host chhunzawm zel a, a chevel hi show tihmuhnawmtu pakhat a tling.

Top 4-te hi an zaithiam em em vek tawh a, chutichung chuan tla pakhat an awm a ngai leh si a, Vanlalhmangaiha, Chawnpui chu Top 3-ah a inhlangkai zo ta lo a ni.

Vanlalhmangaiha hi tla mah se Lbs Suzuki Youth Icon Judge, Musician leh Producer ni bawk Victor The Scavenger chuan thawh dun puiah a sawm zui a ni.

Malsawmdawngliana     Chamring

Zothanpuii     Chanmari West

R.Lalsangzuali (Abawihi)     Ramhlun South   

Super Dance Crew 2019 intihsiakna pawh Youth Icon lam ang bawkin boruak a sang chho zel a,  BPS leh HBC chu thlah an ni a, Thawhṭanni zan khan Top 3-a zai nena inkawp turte pawh pawhfel a ni tawh.Ferocity, Flava leh Hastag1-te chu Top 3-ah an la inhlangkai a, Ningani zanah hian intihsiakna an nei leh ang.

Ferocity 

Flava

Hastag1

Ningani zan hian lam leh zaithiamte hi an intihsiak leh dawn a, zai lamah hian Mizo hla pangai, Folk song leh sap hlaah intihsiakna an nei anga, Folk song leh sap hlaahte hian Dance Crew-te nen an perfom rual dawn a ni.

Grand Finale pawh a hnai zel a, Inrinni zanah hi chuan Youth Icon a hriat tawh dawn a, kawng hrang hrangah mi bik tan Red Carpet an buatsaih dawn bakah Icon lo ni tawhte an zai bawk ang.