Demi Lovato-i'n North American Tour neih hun tur puang

American singer leh songwriter Demi Lovato chuan a studio album pakuana, tun thla October 24-a tlangzarh 'It's Not That Deep' puala North American Tour a neih hun tur a puang.

Lovato hian ram 23-ah tour a nei dawn a, nakkum April 8 hian Charlotte, NC Spectrum Center-ah a khuh hawng ang. Madison Square Garden, MGM Grand Garden Arena leh Kia Forum-ahte a perform chhunzawm dawn a, May 25-ah Toyota Center, Houstan-ah a tawp khar a ni ang. Inrinni khan a tour neih tur inbuatsaihna atan Hollywood Palladium, Los Angeles-ah a lo perform tawh bawk. A tour neih turah hian Slovak singer-songwriter Adéla chu special guest a ni ang.