Hilary Duff-i'n hla thar tichhuak dawn hnai

American actress leh singer, Hilary Duff chuan kum 10 chuang rimawi a chawlhsan hnuah hla thar a tichhuak dawn hnai tih a sawi. Studio-ah a pasal Matthew Koma leh mi dangte nen hla thar tichhuak tur hian hma an la mek tih a sawi bawk.

Duff hian a studio album pangana, 'Breathe In. Breathe Out' chu kum 2015 daih tawh khan a lo tichhuak tawh a ni. Kumin September thla khan Duff hi Atlantic Records nen thawh dunna an lo siam tawh a, rimawi lama a kir leh dawn bakah, a mimal nun pholanna docuseries filming an neih thu a lo sawi tawh bawk. Docuseries hi Sam Wrench-a'n a direct dawn a ni.