Zorinsanga Krismas hla thar 'Lawmna Rimtui'

Praise On aṭanga zoram mipuiten an hriat lar, Zorinsanga chuan Krismas hla thar 'Lawmna Rimtui' tih chu a peihfel tawh a, zanin lamah hi chuan YouTube leh Zonet-ah en leh ngaihthlak  theiha chhawpchhuah a tum.

'Lawmna Rimtui' hi Chris Ms Dawngkima phuah a ni a, "Mal leh khawhar taka awm lai pawhin Pathian fakna hi min thlamuantu a ni ṭhin. Isua kan tana a lo pianna ni hian hlimna thar min pein khawvel thar min siamsak a ni. Lal lo piang hian ropuina kawng a thlang lo va, sual phuarte phelhin hnehna min pe zawk a ni," tiin Chris-a hian a hla phuah chung­chang hi a sawi.

Zorina hian Hope Music-ah recording hi a ti a, video hi Bilywaif kutchhuak a ni thung. Krismas music video a la tihchhuah ngai loh bakah kuminah music video a la tichhuak lo bawk a, 'Lawmna Rimtui' hi kumin chhunga a music video hmasa ber tur a ni bawk.