'Hello Kitty' movie July 2028-ah tlangzarh dawn

Warner Bros. Pictures Animation leh New Line Cinema chuan kum eng emaw chen an lo buaipui tawh, 'Hello Kitty' feature film chu July 21, 2028-ah an tlangzarh dawn tih Nilaini khan Instagram-ah an tarlang.

Film hi Leo Matsuda direct niin, Dana Fox chuan script a ziak a ni. FlynnPictureCo producer Beau Flynn chu Japanese merchandise company, Sanrio dintu Shintaro Tsuji nen character right a neih theihna turin kum 10 dawn an thawk dun a ni. Sanrio company chuan kum 1974 khan 'Hello Kitty' hi tlangzarhin, an brand zawrhna tur dawr hrang hrang an hawng bawk a; Hello Kitty leh a ṭhiante- Dear Daniel leh superhero alter ego Ichigoman-te pawh an tel. An sumdawnna huang zauh zelin, Japan-ah Hello Kitty theme park leh Hello Kitty cafe-te siam a ni a, video game chi hrang hrang an siam bakah, thawmhnaw siamtute nen pawh an thawk ho bawk a ni.