2025 Word of The Year atan "67" thlang

Dictionary.com chuan kum tina a lo tih ṭhin angin kuminah pawh thumal hman uar ber thlang lehin, kumina word of the year atan number pahnih '67' a thlang. He thumal hi puitling lam tan chuan awmze nei lo a ni mah na, mahse, naupang lam a bikin Gen Alpha-te tan chuan online culture-a hman lar leh awmze nei tak a ni thung.

He number pahnih, 'Six-Seven' (67) hi kumin June aṭang khan a let ruka tamin search engine lamah zawn a hlawh. He ṭawngkam hi interjection anga hman leh zawhna chhanna anga hman ṭhin niin, a awmzia hi "so-so" emaw "maybe" tihna lam hawia hman pawh a ni bawk. Sawi mai bakah zaizir ken tel neiin, kut phah chunglam hawi tira thil chawi ang taka han tihchette pawh a keng tel ve bawk.