GIG Motors Ṭhazual Lengzem pakhatnaah Siampuii Ralte 'Nihawi'

GIG Motors Ṭhazual Lengzem chart tharah, chart hmasaa pangana Siampuii Ralte 'Nihawi' chu pakhatnaah a inhlangkai. He hla hi Japanese animated fantasy film, 'Spirited Away' - Always With Me leh Bruno Mars hla- 'Nothing' behchhana siam a ni a, music video hi Remruata Bilywaif siam niin, recording hi Aeries Records-ah tih a ni.

Lil kiki x Siampuii Ralte 'Mi chhan loh hmel' chu pahnihnaah a lang bawk. He hla hi Lil kiki phuah a ni a, music video hi Osiama Pictures kutchhuak a ni. Music leh recording hi Smiley Records-ah tih a ni. Chart hmasaa palina Lilzo phuah, Bzi Tochhawng nena an sak dun 'Thikna leh Hmangaihna' chu pathumnaah a kaisang a, music hi Kima Chhangte kutchhuak a ni. Palinaah chart hmasaa parukna Nanaua Hmar 'Lasi te Lal' awmin, Latei Hringngen 'I tan ka hlan' chu panganaah a awm bawk a ni.