Japan Toho Studios-in Godzilla movie thar tur title puang

Japan-a Toho Studios chuan Thawhṭanni zing khan kum 2023-a tihchhuah, 'Godzilla Minus One' follow-up title puangin, 'Godzilla Minus Zero' (emaw Godzilla -0.0) tih a ni dawn. Film hi Oscar pawh lo dawng tawh, director leh VFX supervisor ni bawk Takashi Yamazaki chuan a ziak leh dawn a ni.

'Godzilla Day 2025' event, Tokyo-a neihah film thar hming tur hi puan a ni a, teaser logo pawh pholan nghal a ni. Film hmasa 'Godzilla Minus One' khan khawvel pumah USD mtd 113 a la lut a, Academy award a dawn bakah Oscar-ah best visual effects award a dawng bawk. Hei bakah Japanese live-action film, North American Box Office-a che ṭha ber a ni thei bawk.

Yamazaki leh Toho te chuan kum 2026 kumtawp lamah khawvel pumah tlangzarh hman an tum tih an sawi a, kumin kumtawpah New Zealand leh Norway-ah production kalpui a ni ang. A changtu turte leh a thawnthu kalhmang erawh pholan a la ni lo thung.